هنا يا جابر ...

.. بالغاضرية الضعن ..


بالغاضرية الضعن لمن أشرف - ابيا حالة وبيا عين صدوا للطف
حالة حزن مرت اوما تتوصف - كل طفلة نسمعها اتصيح روس الأهل جبناها

وصلوا وشافوا جابر الأنصاري - اتلگاهم ودمع النواظر جاري
يصرخ واينثر فوگ راسه الذاري - ابدمعة ومناحة وآهات للعاية اتلگاها

خاطبه السجاد ابمسيل المدمع - يا جابر اهنا جسم أبويه اتگطع
واهنا علي الأكبر وگع بالمصرع - واهنا يا جابر أجساد دار الترب واراها

واهنا يا جابر جسم جسام انصاب - طفوا شموعه وصارت الحنة اخضاب
واهنا نحر عبد الله صابه النشاب - واهنا يا جابر أبدان بأرواحنا ادفناها

واهنا يا جابر للحرم سلبوها - واهنا خيمنه ابنارهم حرگوها
واهنا شفت أطفالنه ايسحگوها - چم طفلة من بين الخيل تركض وجريناها

ما گتلي يا جابر گمر هاشم وين - عفناه يم المشرعة ابلا چفين
عفناه او عفنه السهم نابت بالعين - ورايته وسيفه والجود ويا اچفوفه ودعناها

رحنه ابيسر يا جابر او عفنه ابدور - واليوم جينه وشفنه بالطف اگبور
دنيانه ظلمة اعلينه من عگب النور - امن اليسر ردينه اليوم والروس رديناها

هاي الحرم رجعت ابمدمع مسفوح - كل وحدة گعدت يم گبر والي اتنوح
زينب تصيح ابگلب دامي ومجروح - يا كربله ابدمع العين وديانچ ارويناها

تحياتي

لخدام اهل البيت الشاعر الاديب جابر الكاظمي

المجتبى حبيبي كتب:

قصيدة رائعة لأمير الشعراء
يسلموووووووووو
الله يعطيك العافية

مشكووورة أختي الغالية على المرور الطيب ...


تحــــــــ(( أبو كرار ))ــــــــــــــياتي